काठमाण्डौ चैत २७, – टी–२० विश्वकपअघि वेस्ट इन्डिजको ‘ए’ टोली नेपाल आउने भएको छ । आईसीसी टी–२० विश्वकपको तयारीका लागि नेपाल र वेस्ट इन्डिजको ‘ए’ टोलीले पाँच अभ्यास खेल खेल्ने भएका छन् । आउँदो जुन १ देखि २९ तारिखसम्म अमेरिका र वेस्ट इन्डिजमा संयुक्त रुपमा टी–२० विश्वकप आयोजना हुँदैछ ।
नेपाल र वेस्ट इन्डिज पनि यो विश्वकपमा छनोट भएका छन् । वेस्ट इन्डिजको क्रिकेट टोलीले पहिलो पटक नेपालको भ्रमण गर्न लागेको हो । नेपाल क्रिकेट सङ्घ ९क्यान० का अनुसार नेपाल र वेस्ट इन्डिजको टोलीबिच कीर्तिपुर मैदानमा पाँच टी–२० अभ्यास खेल हुनेछ । वेस्ट इन्डिजको टोली अप्रिल २५ देखि मे ५ तारिखसम्म काठमाण्डौमा रहनेछ । यहिबीचमा पाँच वटा टी–२० अभ्यास खेल हुनेछन् ।
सार्वजनिक तालिका अनुसार नेपाल र वेस्ट इन्डिजबीचको पहिलो खेल अप्रिल २७, दोस्रो अप्रिल २८, तेस्रो मे १, चौँथो मे २ र पाचौं तथा अन्तिम खेल मे ४ तारिखमा हुनेछ । सबै खेल टीयु क्रिकेट मैदानमा हुनेछ ।
खेल नेपाली समय अनुसार दिउँसो एक बजे शुरु हुनेछ ।
