कोहलपुर बाँके चेैत २८- नेपालगन्ज स्थित होटल सिद्धार्थमा नव वर्षको पूर्वसन्ध्यामा विशेष कार्यक्रम हुने भएको छ ।
नव वर्ष २०८१ लाई भव्य स्वागत गर्न आयोजना गर्न लागिएको न्यू इएर इभ कार्यक्रममा नेपाली सङ्गीत जगत्की चर्चित गायिका मेलिना राईको विशेष प्रस्तुति रहने कार्यक्रमको जानकारी दिन बुधबार आयोजना गरिएको पत्रकार सम्मेलन मार्फत जानकारी गराईएको हो । गायिका राईका दर्जनौ गीत चर्चाको शिखरमा छन् ।
कार्यक्रममा गायिका राईसँगै काठमाडौ बाट चर्चित ब्यान्ड ‘सोल अफ मेलोडीज’को टीम र डिजे सेसनका लागि ‘डिजे सेड’ समेत नेपालगन्ज आउँन लागेको होटल सिद्धार्थ नेपालगन्जका सेल्स एण्ड मार्केटिङ म्यानेजर नबिन भट्टले जानकारी दिनुभयो । यही चैत ३० गते बेलुका ७ बजेबाट सुरु हुने न्यू इएर इभ सेलिब्रेशन मध्य रात १२ बजेसम्म चल्नेछ।
होटलले कार्यक्रममा लागि विशेष प्याकेजको व्यवस्था गरेको समेत जानकारी दिएको छ । कार्यक्रममा सहभागिता जनाउन निश्चित शुल्क तोकिएको छ। वयस्कका लागि २ हजार २ सय , कपलका लागि ४ हजार र ५ वर्षदेखी १० वर्षमुनिका बालबालिकाको लागि १ हजार ५ सय रुपैयाँ लिइने होटलले पत्रकार सम्मेलन मार्फत जानकारी गराएको हो ।
यही रकममा स्वागत ड्रिंक, अनलिमिटेड लाइभ स्न्याक्स र लाइभ डिनरको व्यवस्था समेत गरिएको छ । कार्यक्रममा ५ सय बढी दर्शकको उपस्थिती रहने होटलले जनाएको छ । यसैबिच सिद्धार्थ ग्रुपका पश्चिम क्षेत्रीय प्रबन्धक केशव न्यौपानेले पारिवारिक वातावरणमा नयाँ वर्षको स्वागत गर्न आयोजना गर्न लागिएको कार्यक्रममा सबैको उपस्थितिका लागि आग्रह गर्नुभयो ।
