६ कार्तिक २०८१, मंगलबार | Tue Oct 22 2024

अङ्ग दानका लागि सबैले प्रोत्साहन गराैँ : प्रधानमन्त्री प्रचण्ड




काठमाण्डाै पुस ७ – प्रधानमन्त्री पुष्पकमल दाहाल प्रचण्डले अङ्ग दानका लागि सबैले प्रोत्साहन गर्नुपर्ने बताउनु भएकाे छ । अङ्ग प्रत्यारोपणबारे सकारात्मक दृष्टिकोण बनाएर आ–आफ्नो ठाउँबाट योगदान गर्न उहाँले सम्पूर्ण नेपालीलाई अपिल गर्नुभएको छ ।

शहीद धर्मभक्त राष्ट्रिय प्रत्यारोपण केन्द्र र अङ्ग प्रत्यारोपण समाजले काठमाण्डौमा गरेको प्रथम राष्ट्रिय प्रत्यारोपण सम्मेलनमा बोल्दै प्रधानमन्त्री प्रचण्डले मरेपछि खरानी भएर जाने अङ्गहरू दान गर्दा धेरै मानिसले पुनर्जीवन पाउन सक्ने बताउनुभयो ।

उहाँले अङ्ग फेल भइ मृत्युको मुखमा पुगेका बिरामीलाई बचाउने कार्यलाई थप प्रवर्द्धन गर्न सरकारको तर्फबाट सम्पूर्ण किसिमले साथ र सहयोग रहने प्रतिबद्धतासमेत व्यक्त गर्नुभयो । साथै उहाँले नेपालको अङ्ग प्रत्यारोपण उपचारका क्षेत्रमा रहेका जटिलताहरू सम्बोधन गर्दै आउँदा दिनमा थप प्रभावकारी सेवा प्रवाह गर्न यो सम्मेलन महत्त्वपूर्ण हुने विश्वास व्यक्त गर्नुभयो

प्रकाशित मिति : ७ पुस २०८०, शनिबार  १० : १८ बजे