९ श्रावण २०८१, बुधबार | Wed Jul 24 2024

चट्याङ बाट घाइते भएकी दुई महिलाको मृत्यु



कोहलपुर बाँके असार २६ – बाँकेमा चट्याङ लागेर घाइते भएकी दुई महिलाको मृत्यु भएको छ । अर्की एक घाइते महिलाको उपचार भैरहेको छ । राप्तिसोनारी गाउँपालिका–२ कचनापुरको हरिहरपुर गाउँमा धान रोप्ने क्रममा दुई महिलाको चट्याङ लागेर ज्यान गएको हो ।

इलाका प्रहरी कार्यालय कोहलपुरका प्रहरी नायब उपरीक्षक धर्मराज भण्डारीका अनुसार मृत्यु हुनेमा ३२ वर्षीया सम्झना विक र ३२ वर्षीया वसन्ती उपाध्याय रहेका छन् ।

गम्भीर घाइते दुवैको उपचारका क्रममा ज्यान गएको हो । चट्याङ लागेर ३० वर्षीया सलिना विक गम्भीर घाइते भएकी छिन् । उनको कोहलपुरस्थित शिक्षण अस्पतालमा उपचार भइरहेको प्रहरीले जनाएको छ ।

प्रकाशित मिति : २७ असार २०८१, बुधबार  ३ : २५ बजे