जीप दुर्घटना हुँदा दाङमा १ जनाको मृत्यु

दाङ चैत ५, – दाङमा जीप दुर्घटना हुँदा एक जनाको मृत्यु भएको छ । ज्यान गुमाउनेमा बबई गाउँपालिका–१ का जितबहादुर बुढा रहेका जिल्ला प्रहरी कार्यालय दाङका प्रहरी नायब उपरीक्षक जनकबहादुर मल्लले जानकारी दिनुभयो ।

गङ्गटेबाट तुलसीपुरतर्फ गुडिरहेको जीप आज बिहान भाङाबारी नजिकै उकालोमा पछाडितर्फ गुडेर पल्टिएको हो । दुर्घटनामा सात जना घाइते भएका छन् ।