मुम्बई पुस १०- मानव तस्करीको आशंकामा फ्रान्समा चार दिन रोकिएको २७६ यात्रु बोकेको चार्टर विमान मंगलबार मुम्बई विमानस्थलमा अवतरण गरेको छ । उक्त विमानमा अधिकांश भारतीय थिए ।
चार्टर्ड एयरबस ए३४० यूएईबाट निकारागुआका लागि उडिरहेको थियो जब विमान इन्धन भर्ने क्रममा रोकियो । त्यसपछि मानव तस्करीको आशंका बढेको थियो। योसँगै दुबईबाट ३०३ यात्रु बोकेको चार्टर उडान बिहीबार पेरिसबाट १३० किलोमिटर पूर्वमा रहेको भेत्री विमानस्थलमा रोकिएको थियो ।
विमानमा रहेका केही यात्रुहरू ‘मानव तस्करीको सिकार हुनसक्छन्’ भन्ने फ्रान्सका अधिकारीहरूले अज्ञात सूचना पाएको बताउँदै उडान ग्राउन्डेड गरिएको बताएका थिए । विमानमा सवार दुई नाबालिगसहित २५ जनाले फ्रान्समा शरण लिन इच्छा व्यक्त गरे र फ्रान्समै बसे।
थप अनुसन्धानका लागि फ्रान्समा दुई संदिग्ध तस्करलाई पनि पक्राउ गरिएको छ । लेजेन्ड एयरलाइन्सको उडान स्थानीय समय अनुसार मंगलबार बिहान मुम्बईमा अवतरण भएको थियो।
विमानमा सवार अधिकांश भारतीय नागरिक युएईमा कार्यरत थिए । यात्रुमध्ये एक तिहाइ गुजरातका रहेको बताइएको छ ।
उडानलाई निकारागुआको सट्टा मुम्बई किन डाइभर्ट गरियो भन्ने खुल्न सकेको छैन । अनलाइन उडान ट्र्याकर फ्लाइटराडरका अनुसार लेजेन्ड एयरलाइन्स चारवटा विमान भएको रोमानियाली चार्टर एयरलाइन्स हो। (रातो पाटि)
